बिजपाटी सम्बाददाता     Feb 24, 2020 | 06:06:15 PM


tansen

जीवन बीमा कम्पनीहरुले एक महिना मै ८ अर्ब रुपैयाँ बीमा शुल्क संकलन गरेका छन् । १९ जीवन बीमा कम्पनीले माघ महिनामा मात्र ८ अर्ब ४९ करोड रुपैयाँ कुल बीमा शुल्क संकलन गरेका हुन्। 

माघमा जीवन बीमा कम्पनीहरुले प्रथम बीमा शुल्क वापत दुई अर्ब ४४ करोड रुपैयाँ बीमा शुल्क संकलन गरेका छन् ।  नविकरण बीमा शुल्क वापत कम्पनीहरुले ५ अर्ब ८६ करोड रुपैयाँ बीमा शुल्क संकलन गरेका छन् । त्यस्तै, वैदेशिक राजगारी बीमा शुल्क वापत कम्पनीहरुले १९ करोड रुपैयाँ बीमा शुल्क संकलन गरेका छन् ।  

माघमा  कम्पनीहरुले ४७ लाख भन्दा बढी बीमालेख जारी गर्न सफल भएका छन् । ४३ लाख ५ हजार ८७१ जीवन बीमालेख र ४ हजार १२८ वैदेशिक रोजगारी बीमालेख गरी कुल ४७ लाख ५ हजार ९९९ बीमालेख जारी गरेका हुन्। तथ्याङ्क अनुसार जीवन बीमा कम्पनीहरुमा माघ महिनामा ३७ जना नयाँ कर्मचारी थपिएका छन् भने १९ नयाँ शाखा कार्यालय थपिएका छन्।  


Share your thoughts!

बिजपाटी सम्बाददाता

नेपालको आर्थिक अनलाइन पत्रिका