ओरियन्टल होटेल Oriental Hotel Limited ले एफपिओ निष्काशन प्रस्ताव रद्द गरेको छ । कम्पनीको २१ औं वार्षिक साधारण सभाले सस्थापक शेयरधनीको हिस्सा ५५ प्रतिशत तथा साधारण शेयरधनीको हिस्सा ४५ प्रतिशत कायम गर्नेगरी एफपिओ निष्काशन गर्ने प्रस्ताव पारित गरेको थियो ।
तर कम्पनीको डाकेको २२ औ साधारणसभाको प्रस्तावमा एफपिओ प्रस्ताव रद्द गरी संस्थापक र साधारण शेयरधनीको अनुपात ७०:३० कायम गर्ने उल्लेख छ। कम्पनीले कार्तिक ७ गते जावलाखेलको स्टाफ कलेजमा सभा आह्वान गरेको हो । सभामा संचालक समितिले प्रस्ताव गरेको १०.७९ प्रतिशत नगद लाभांश लगायतका प्रस्ताव पेश हुने छ ।
कम्पनीले साधारणसभा प्रयोजनको लागि असोज २८ गतेदेखि बुक क्लोज गर्ने निर्णय गरेको छ । असोज २७ गतेसम्म कायम शेयरधनीले मात्र सभामा भाग लिन र लाभांश पाउन सक्ने छन् ।