कोरोना भाइरसका कारण चार कम्पनीले गर्न लागेको वार्षिक साधारण सभा स्थगित गरेका छन् । अपि पावर Api Power Company Limited , सेन्चुरी कमर्शियल बैंक Century Commercial Bank Limited , सहयोगी विकास बैंक Sahayogi Vikas Bank Limited र सिटिजन्स बैंक Citizens Bank International Limited ले साधारण सभा स्थगित गरेको जानकारी दिएका छन् ।
सरकारले २५ जनाभन्दा बढीको भेला हुन रोक लगाएसँगै कम्पनीहरुले अर्को सुचना प्रकाशित नभएसम्मको लागि साधारण सभा स्थगित गरेका हुन् । सहयोगी विकास बैंक र सिटिजन्स बैंकको शनिवार बसेको संचालक समितिको बैठकले साधारण सभा स्थगित गरेको हो । अपि पावर र सेन्चुरी कमर्शियल बैंकले भने साधारण सभा स्थगितको सुचना सर्वाजानीक गरेका छन् ।
मितेरी डेभलपमेण्ट बैंकले २४ औं वार्षिक साधारण शनिवार सम्पन्न गरेको छ । बैंकले गोरखा किचन, धरानमा ३१ जना सेयरधनीहरु र सात जना संचालकहरुको उपस्थितमा सभा सम्पन्न गरेको बताएको छ । सभाले १८ दशमलव ५२५ प्रतिशत वोनस सेयर र करको लागि ०।९७५ प्रतिशत नगद लाभाँश पारित गरेको छ ।