सप्तकोशी डेभलपमेन्ट बैंक Saptakoshi Development Bank Limited ले १२ औं वार्षिक साधारण सभा चैत ३० गते बोलाएको छ । बैंकले उद्योग संगठन मोरङमा बिहान १० बजेर ३० मिनेटमा सेयरधनीहरुलाई बोलाएको हो ।
कम्पनीले हाल कायम चुक्ता पुँजीको ६ प्रतिशतको दरले हुन् आउने ४ करोड ७२ लाख २६ हजार ७ सय ३ दशमलव ६८ रुपैयाँ बराबरको बोनस शेयर वितरण गर्ने प्रस्ताव सभामा राखेको छ ।
साथै, संस्थापक तर्फबाट तीन जना र सर्वसाधारण तर्फबाट तीन जना गरी ६ जना संचालकहरुको निर्वाचन सभाले गर्ने छ ।
बैंकले साधारण सभा प्रयोजनको लागि शेयरधनी दर्ता किताब चैत १० गतेदेखि ३० गतेसम्म बन्द गर्ने भएको छ । हाल कम्पनीको चुक्ता पुँजी ७८ करोड ७१ लाख रहेको छ ।