सिविआईएल क्यापिटल CBIL Capital को १४ औँ साधारण सभा सम्पन्न भएको छ । उक्त सभाले प्रस्तावित साधारण प्रस्तावहरु अन्तर्गत आर्थिक वर्ष २०७६।७७ को संचालक समितिको प्रतिवेदन पारित गरेको छ ।
त्यस्तै, आर्थिक वर्ष २०७६।७७ को लेखापरिक्षकको प्रतिवेदन सहित वासलात, नाफा नोक्सान हिसाव तथा नगद प्रवाह विवरण सहितको वित्तिय विवरण पारित गरेको कम्पनीले जनाएको छ । आगामी आर्थिक वर्ष २०७७।७८ का लागि लेखा परीक्षण समितिको सिफारिसमा साविकका लेखा परिक्षक सुबोध एसोसिएट्सलाई लेखा परीक्षक नियुक्त गरेको छ ।
साथै, आर्थिक वर्ष २०७६।७७ को संचित मुनाफाबाट आफ्नो शेयरधनीहरुलाई संचालक समितिले प्रस्ताव गरे बमोजिम दश प्रतिशत (कर सहित) नगद लाभांश वितरण गर्न स्वीकृति प्रदान गरेको छ ।
