मन्जुश्री फाइनान्सको हकप्रद भर्न छुट्नु त भएन, अनलाइन बाहेक कहाँ बाट दिने आवेदन ?

मन्जुश्री फाइनान्सले हकप्रद बिक्रि गरिरहेको छ। फाइनान्सले १०० बराबर ५ कित्ता शेयर अर्थात ५ प्रतिशतका दरले चैत ८ देखि २०७५ बैशाख १२  सम्मका लागि हकप्रद बिक्रि खुला गरेको हो। 

हकप्रद प्रयोजनार्थ फागुन ९ का लागि शेयरधनि दर्ता पुस्तिका बन्द (बुक क्लोज) गर्ने निर्णय भएकाले फागुन ८ सम्म कायम शेयरधनिहरुले मात्र मन्जुश्रीको हकप्रद भर्न पाउनेछन।  

फाइनान्सले ३३ करोड ६२ लाख १९ हजार रुपैयाँ बराबरको ३ लाख ६२ हजार १९० कित्ता हकप्रद बिक्रि खुला गरेको हो। फाइनान्सको शेयर निष्काशन तथा बिक्रि प्रबन्धकमा एनआईबिएल एस क्यापिटल छ। 

फागुन ८ सम्म कायम शेयरधनिहरुले बिक्रि प्रबन्धक एनआईबिएल एस क्यापिटल को कार्यालय लाजिम्पाट, शाखा कार्यालयहरु लालदरबार, काठमाडौँ, लगनखेल, ललितपुर, र चिप्लेढुंगा पोखराबाट हकप्रद भर्न सक्ने छन् भने मेरोशेयर मार्फत अनलाइन बाटैपनि हकप्रद भर्न सक्ने छन् ।  त्यस्तै मंजुश्री फाइनान्सको सम्पूर्ण शाखा कार्यालयबाट समेत हकप्रद भर्न सक्ने छन् ।  यसको अलावा सी आश्वामा आबद्द सम्पूर्ण बैंक तथा वित्तीय संस्थाबाट पनि हकप्रद भर्न सकिने छ। 

५ प्रतिशत हकप्रद बिक्रि तथा वितरण पश्चात फाइनान्सको चुक्ता पुंजी ७२ करोड ४३ लाखबाट ७६ करोड ५ लाख पुग्नेछ। कम्पनीले गत आर्थिक बर्षको मुनाफाबाट प्रस्ताव गरेको ६ प्रतिशत् बोनस र यस ५ प्रतिशत हकप्रद पछि कम्पनीको चुक्ता पुंजी ८० करोड ४० लाख पुग्ने छ। फाइनान्सले चालु आर्थिक बर्षको दोस्रो त्रैमासमा ४ करोड १४ लाख खुद मुनाफा आर्जन गरेको छ।