गुराँस लाइफ इन्स्योरेन्स Gurans Life Insurance Company Limited ले हकप्रदमा अवितरित संस्थापक शेयर पुन: लिलाम गर्ने भएको छ । कम्पनीले ९० हजार ५ सय ७१ कित्ता शेयर लिलाम गर्ने भएको हो ।
पहिलो पटक लिलाम हुँदा संस्थापकहरुबाट पूर्ण आवेदन नपरेकोले यस पटक जो कोहिले पनि आवेदन दिन सक्ने गरी लिलाम खुला गरिएको बिक्रि प्रबन्धक लक्ष्मी क्यापिटलले जनाएको छ । उक्त लिलाममा साउन ३ गते देखि साउन १० गते सम्म बोलपत्र पेश गर्न सकिने छ । यस अघिको लिलाममा संस्थापक तर्फको कट अफ मूल्य १०७ कायम भएको थियो ।
कम्पनीले चैत २८ देखि २:१ को अनुपातमा ५० प्रतिशतको दरले २९ लाख ७० हजार कित्ता हकप्रद निष्काशन गरेको थियो । हकप्रदपछि कम्पनीको चुक्ता पुंजी ९३ करोड ८५ लाख पुग्ने छ । इन्स्योरेन्सले शतप्रतिशत हकप्रद निष्काशन गर्ने प्रस्ताव गरेको छ । शतप्रतिशत हकप्रद निष्काशन पश्चात चुक्ता पुंजी १ अर्ब ८७ करोड पुग्ने छ ।