सबैको लघुवित्त वित्तीय संस्थाले आगामी आर्थिक बर्षको कार्ययोजना सहित योजना तर्जुमा गोष्ठी सम्पन्न गरेको छ । संस्थाले पोखरामा शनिबार गोष्ठि सम्पन्न गरेको हो ।
जेठ ९ गते देखि ११ गते सम्म पोखरामा संचालन भएको उक्त गोष्ठीमा संस्थाले चालु आर्थिक बर्षको तेश्रो त्रैमासिक अवधीको समिक्षा सहित आगामी आर्थिक बर्ष २०७६।७७ को योजना तर्जुमा बिषयमा छलफल सम्पन्न गरेको छ । गोष्ठीमा संस्थाका ३८ शाखाका शाखा प्रमुखहरुले आआफ्नो शाखाको लक्ष्य तथा प्रगती बिवरण र आगामी आर्थिक बर्षको कार्ययोजना प्रस्तुत गरेका थिए ।
गोष्ठीमा बर्तमान समयमा लघुवित्तमा देखिएका समस्या र चूनौती तथा समाधानका उपायहरुबारे बिस्तृत रुपमा छलफल गर्दै संस्थाको आगामी आर्थिक बर्षको कार्ययोजना अनुरुप कार्य गर्न ३८ शाखाका शाखा प्रमुखहरुलाई आग्रह गरिएको संस्थाका प्रमुख कार्यकारी अधिकृत केशव कुमार पौडेलले बताए ।
