भरतपुर महानगरपालिकामा नेकपा माओवादीकी रेणु दाहाल विजयी भएकी छिन। माओवादी केन्द्रकि प्रत्यासी दाहालले निकटम प्रतिद्वन्द्वी देवी ज्ञवालीलाई २०३ मतले हराउंदै भरतपुर महानगरपालिकाको मेयरमा निर्वाचित भएकी हुन।
माओवादी केन्द्रकी दाहालले नेकपा एमालेका मेयरका प्रत्यासी ज्ञवालीलाई झिनो मतले हराउंदै बिजयी भएकी हुन। यद्दपी निर्वाचन अधिकृतद्वारा औपचारिक घोषणा हुन भने बाँकी रहेको छ। लगभग ३ महिनाको अवधि पश्चात भरतपुर महानगरपालिकाले मेयर पाएको हो।
वडा नम्बर १९ मा २४१० मत खसेको थियो भने वडा नम्बर २० मा ३३०५ मत खसेको थियो। वडा नम्बर २० मा खसेको कुल मत मध्य २८०० मत गन्दा सम्म देबी ज्ञवालीले ४२ हजार ७५७ मत र रेणु दाहालले ४२ हजार ९१३ मत ल्याएकी छन।
स्थानीय तहको पहिलो चरण अन्तर्गतको निर्वाचनमा भरतपुर महानगरको वडा नम्बर १९ को अवस्था अन्यौल रहेको थियो। जेठ १४ गत वडा नम्बर १९ को मत गन्ने क्रममा मतपत्र च्यातिए पश्चात पुनमतदान या पुन मतगणना भन्ने बारे अन्यौल थियो। सर्वोच्च अदालतले पुन मतदानको आदेश दिए पश्चात साउन २० गते शुक्रबार वडा नम्बर १९ मा पुन मतदान भएको हो। १९ नम्बर वडामा २४१० मत खसेको थियो।