ललितपुरको पाटनमा आगामी बुधबारदेखि ‘अन्तराष्ट्रिय ललित व्यापार मेला’ आयोजना हुने भएको छ । ललितपुर उद्योग वाणिज्य संघले आईतबार पत्रकार सम्मेलन गरी मेला आयोजना गर्न लागिएको जानकारी गराएको हो ।
संघका अध्यक्ष कृष्णलाल महर्जनले संघको स्वर्ण जयन्तीको अवसर पारेर मेला आयोजना गर्न लागिएको बताए । ४ दिनसम्म चल्ने मेलामा नेपाल सहित विभिन्न देशका औद्योगिक उत्पादनको प्रर्दशनी हुने छ । कृषि, हस्तकला, विज्ञान प्रविधि सहित ९० वटा स्टल रहनेछन् ।
मेलाको अवसरमा संघले ८९ वर्ष पूरा भएका जेष्ठ नागरिकहरुलाई सम्मान पनि गर्ने भएको छ ।
त्यस अवसरमा नेपाल राष्ट्र , टक्सार विभाग मार्फत संघको स्वर्ण जयन्ति लोगो अंकित एक हजारको चाँदीको सिक्का र सय रुपैँयाको साधारण सिक्का पनि निश्कासन गर्ने कार्यक्रम तय गरिएको छ । मेलाको उद्घाटन प्रदेश ३ का मुख्यमन्त्री डोरमणि पौडेलले गर्ने छन् ।
