नेपालमै पहिलो पटक आयोजना गरिएको नेपाल सिइओ सम्मेलनको तयारी पुरा भएको छ । नेपाल सिइओ समिट तथा अवार्ड २०१८ कार्यक्रमको सम्पूर्ण तयारी पुरा भएको आयोजकले जनाएको हो ।
बुधबार काठमाडौँमा आयोजना गरिने कार्यक्रमा नेपाल लगायत १७ देशका झण्डै ३ सय अर्थ तथा ब्यवसायको क्षेत्रमा सफल सिईओ तथा निर्देशकहरुको सहभागीता रहने बताईएको छ । कार्यक्रममा नेपालको आर्थिक बिकास, आगामी लक्ष्य र रणनितीका बारेमा छलफल हुनेछ ।
कार्यक्रम मार्फत पहिलो पटक नेपालले पहिलो सिइओ अफ दि इयर पाउने भएको छ । अवार्डमा नेपालको अर्थतन्त्रको क्षेत्रमा कृयाशिल विभिन्न कम्पनीका सिईओ, तथा निर्देशकहरुको प्रतिस्पर्धा रहेको छ । पपुलर सिइओ अफ दि इयरमा नागरिकले गरेको अनलाईन तथा मोबाइल एसएमएस भोटिङका आधारमा नतिजा तय गरिने आयोजकले जनाएको छ ।
पपुलर सिइओ अफ दि इयरका लागी नेपाल बिद्युत प्राधिकरणका प्रबन्ध निर्देशक कुलमान घिसिङ्ग, उद्योगी उपेन्द्र महतो तथा सफल बैंकर्स अनिल शाह लगायतकोे प्रतिस्पर्धा छ । मंगलबार साँझ ५ बजेसम्म मात्रै भोटिङको समय रहेको छ ।
