नेपालमै पहिलो पटक राष्ट्रिय आर्थिक गणना २०७५ हुने भएको छ । नेपाल सरकार राष्ट्रिय योजना आयोगको सचिवालय राष्ट्रिय आर्थिक गणना, २०७५ जिल्ला आर्थिक गणना कार्यालयहरुले मुलुकभरका ७७ वटै जिल्लाहरुमा एकैपटक गणना सुरु गर्ने भएको हो ।
यसै विषयमा नेपाल चेम्बर अफ कर्मसले जारी गरेको प्रेस विज्ञप्ती :
प्रेस बिज्ञप्ती
नेपालमै पहिलो पटक देशव्यापी रुपमा वैशाख २ गते आइतबारदेखि राष्ट्रिय आर्थिक गणना २०७५ सुरु हुने भएको छ । नेपाल सरकार राष्ट्रिय योजना आयोगको सचिवालय राष्ट्रिय आर्थिक गणना, २०७५ जिल्ला आर्थिक गणना कार्यालयहरुले मुलुकभरका ७७ वटै जिल्लाहरुमा एकैपटक गणना सुरु गर्ने भएको हो ।
राष्ट्रिय आर्थिक गणना, २०७५ जिल्ला आर्थिक गणना कार्यालय काठमाडौं र नेपाल चेम्वर अफ कमर्सको संयुक्त आयोजनामा आइतबार राजधानीमा भएको गोष्ठीमा यसबारे जानकारी दिइएको हो । काठमाडौंका प्रमुख जिल्ला अधिकारी एवं जिल्ला आर्थिक गणना समन्वय समितिका अध्यक्ष केदारनाथ शर्माले नेपालमै पहिलो पटक नयाँं वर्षको सुरुवातसँंगै गणनाको काम सुरु हुने जानकारी दिनुभयो । वैशाख १ गते शनिबार परेकाले देशैव्यापी रुपमै बैशाख २ गते आइतबारदेखि काम सुरु हुने उहाँंले जानकारी दिनुभयो ।
केन्द्रिय तथ्यांक विभागका महानिर्देशक सुमनराज अर्यालले संघ, प्रदेश तथा स्थानीय तहसम्म प्रतिष्ठान तथा व्यवसायहरुको व्यवसायिक क्रियाकलाप सम्वन्धी वर्तमान अवस्था थाहा पाउन गणना गर्न लागिएको जानकारी दिनुभयो । जिल्ला समन्वय समितिका प्रमुख शिवसुन्दर राज बैद्यले गणनाबाट मुख्यतया आर्थिक क्रियाकलापअनुसार प्रतिष्ठानहरुको कुल संख्या स्थिति समन्धीको तथ्यांक आदि प्राप्त हुने बताउनुभयो ।
कार्यक्रमका सभापति एवं नेपाल चेम्बर अफ कमर्सका वरिष्ठ उपाध्यक्ष राजेन्द्र मल्लले ऐतिहासिक यस काममा सहयोग गर्न निजी क्षेत्र तत्पर रहेको बताउनुभयो । यसले मुलुकको आर्थिक विकासमा सहयोग हुने विश्वास उहाँंले व्यक्त गर्नुभयो ।
तथ्यांक संकलनका लागि देशैभरि तीन हजार पाँंच सय जनशक्ति परिचालित हुने कार्यक्रममा जनाइयो । तथ्यांक संकलनपछि यसको प्रशोधन, सार्वजनिकीकरणलगायतका पाँंच वर्षे यो योजनाका लागि झण्डै ४० देखि ५० करोड खर्च हुने कार्यक्रममा बताइयो । जिल्ला आर्थिक गणना कार्यालय काठमाडौंका आर्थिक गणना अधिकृत एवं निर्देशक रामबन्धु रेग्मीले कार्यक्रममा कार्यपत्र प्रस्तुत गर्नुभएको थियो ।
