बैंक अफ काठमांडू लुम्बिनी लिमिटेडले व्यसाय प्रवर्दनका लागि हास्यकलाकार तथा सामाजिक अभियन्ता सीताराम कट्टेल (धुर्मुस) र कुञ्जना घिमिरे (सुन्तली)लाई ब्राण्ड एम्बेसेडर नियुक्त गरेको छ ।
यस सम्बन्धि सहमतिपत्रमा दुवै पक्षबीच बुधबार सम्झौता भएको छ। सम्झौता पत्रमा सम्झौंतापत्रमा बैंकका प्रमुख कार्यकारी अधिकृत अजय श्रेष्ठ र कलाकार सीताराम कट्टेलले हस्ताक्षर गरे ।
सम्झौता अनुसार एम्बेसेडरले टेलिभिजन, रेडियो,पत्रपत्रिका र अनलाइन संचार माध्यमबाट एकीकृत रुपमा बैंकको प्रवर्दन गर्नेछन्। बैंकले “ वचत नै हो धन, सुनौलो भविष्य, सजिलो जीवन ” नारालार्इ अघि बढाउनेछ।
बैंकका प्रमुख कार्यकारी अधिकृत श्रेष्टले कलाकारद्धयको सहकार्यले बैंकलार्इ दीर्घकालिन रुपमा सहयोग पुग्ने बताए। कलाकार कट्टेलले ब्राण्ड एम्बेसेडर भएर बचतलार्इ प्रोत्साहित गर्न पाउनु खुशीको विषय भएको बताए।
