सिद्धार्थ राजमार्ग अन्तर्गतको तानसेन–बुटवल सडक आजदेखि दैनिक आठ घण्टा बन्द भएको छ । यो सडक खण्ड घुम्ती कटानको लागी चैत्र १२ गतेसम्म दैनिक ८ घण्टा सडक बन्द भएको हो ।
डिभिजन सडक कार्यालय पाल्पाले सूचना नै जारी गरी चैत्र १ गतेदेखि १२ गतेसम्म बिहान ७ देखि ९ बजेसम्म, दिउँसो १२ देखि ३ बजेसम्म र राति ८ बजेदेखि ११ बजेसम्म सडक बन्द गरिने बताएको छ । यो सडकखण्डमा अत्याधिक घुम्ती रहेको र दुर्घटना बढेकोले रार्जमार्ग सडक सुधार अन्तर्गत यो कार्यक्रम सञ्चालनमा आएको हो ।