नेपालीहरुले स्विस बैंकमा ३३ अर्ब ६९ करोड रकम राखेको खुलेको छ । बैंकले हालै सार्बजनिक गरेको एक प्रतिबेदनले सन् २०१६ को अन्त्य सम्ममा नेपलिहरुको स्विस बैंकमा ३३ अर्ब ६९ करोड ६० लाख रकम भएको खुलेको हो ।
स्विस बैंकमा धेरै रकम राख्ने देशहरुको सुचीमा नेपाल १५० औ स्थानमा रहेको छ । स्विस बैंकमा नेपालीहरुको ३१२ मिलियन स्विस फ्रान्क रहेको बैंकले जनाएको छ ।
प्रतिवेदन अनुसार दक्षिण एसियाली देशहरु मध्ये पाकिस्तानले सबै भन्दा धेरै १.४ बिलियन स्विस फ्रान्क स्विस बैंकमा राखेको छ । त्यस्तै भारतले ६७६ मिलियन र बंगलादेशले ६६७.५ मिलियन स्विस फ्रान्क उक्त बैंकमा जम्मा गरेको छ । बरियताको हिसाबमा पाकिस्तान, भारत र बंगलादेश क्रमश ७१ औ , ८८ औ र ८९ औ स्थानमा छन् । त्यस्तै श्रीलंका ३०७ मिलियन सहित १५१ औ स्थानमा छ भने भुटान २८२ औ स्थानमा छ ।
सुचीमा बेलायत सबै भन्दा शिर्ष स्थानमा छ । विदशी देशका नागरिकहरुले उक्त बैंकको राखेको पैसा मध्ये बेलायतको मात्रै २५ प्रतिशत रहेको छ । विदशी देशका नागरिकहरुले उक्त बैंकको राखेको पैसा गत बर्षको तुलनामा १.४१ ट्रीलियनबाट बढेर १.४२ ट्रीलियन स्विस फ्रान्क पुगेको छ ।
स्विडेन करको लागि 'सेफ हेवेन' अर्थात् कमाइबाट कर तिर्नु नपर्ने भएकाले स्विस बैंकमा बिश्व भरका मानिसहरुले पैसा राख्ने गरेका छन् ।
