सर्वोच्च अदालतले भ्रष्ट्राचार अभियोगमा पक्राउ परेका आन्तरिक राजस्व विभागका महानिर्देशक चुडामणि शर्मालाई आगामी शुक्रबार अदालतमा पेश गर्न अख्तियार दुरुपयोग अनुसन्धान आयोगका नाममा आदेश दिएको छ । साथै उनलाई थुनामा राख्नुको कारण माग गरेको छ ।
गैह्रकानुनी रुपमा हिरासतमा राखेको भन्दै शर्माकी श्रीमती कल्पना उप्रेतीले विशेष अदालत, अख्तियार दुरुपयोग अनुसन्धान आयोगलगायतलाई विपक्षी बनाई दायर गरेको बन्दीप्रत्यक्षीकरणको रिटमा न्यायाधीश पुरुषेत्तम भण्डारीको एकल इजलाशले यस्तो आदेश दिएको हो ।
अख्तियारके तत्कालीन कर फछ्र्याैट आयोगको सदस्य सचिवकै हैसियतमा अनियमित तरिकाले कर छुट दिएको शर्मामाथि अनुसन्धान गरिरहेको छ । आयोगका तत्कालीन अध्यक्ष लुम्बध्वज महत र उमेश ढकाल भने फरार छन् ।
