बिरगंज भन्सारले जिएसटी लागू गर्ने, एजेन्टहरुको मनोमानी हट्ने बिश्वास

मोहम्मद अज्मत अलि

मोहम्मद अज्मत अलि

Aug 16, 2017 | 05:08:23 PM मा प्रकाशित

laxmi  sunrise bank

भन्सार कार्यालय, वीरगंज, पर्साले बिहीबारदेखि भारतबाट पैठारी भई नेपाल भित्रिने सबै प्रकारका वस्तुमा जिएसटी (वस्तु तथा सेवा कर) प्रणाली लागु गर्नेभएको छ ।

Image may contain: textभारतबाट पैठारी भई कृषिउपज, खाद्यान्न, दलहन, जिवित जनावर, पेट्रोल, डिजेल, मट्टितेल, एलपि ग्यांसबाहेकका वस्तुमा सो प्रणाली लागु हुने वीरगन्ज भन्सार कार्यालयका सूचना अधिकारी संतोष यादवले बताए ।

जिएसटी विजकमा जिएसटी र सोबमोजिम बील अफ एक्सपोर्टमा पनि जिएसटी जोडिएर मूल्य उल्लेख भएको हकमा जिएसटीको रकम समेत जोडी कारोबार मूल्य घोषणा गर्नुपर्ने व्यवस्था छ ।

कारोवारीले प्रज्ञापनपत्र भर्दा ढुवानी साधन नम्बर एकिन गरेर भर्नुपर्ने र पछि ढुवानी साधन नम्बर फरक परेमा बिग्रेको अवस्था बाहेकमा नसच्याउने व्यवस्था भन्सार कार्यालयले गरेको छ ।

भन्सार कार्यालयले एउटा ढुवानी साधनमा एउटा मात्र एजेन्टको मालबस्तु ढुवानी गर्न पाउने, भन्सार जाँचपास भएर निकालिसकेको वस्तु अनिवार्यरुपमा सो दिन भन्सार यार्डबाट निकाल्नुपर्ने व्यवस्था गरेको छ ।

यसअधि आयातकर्ताले भारतबाट पैठारी गर्दा भारतीय भंसारको बीलको आधारमा कम मूल्य तोकेर भ्याट बील काटिने व्यवस्थाका कारण भन्सार राजस्व ह्रास हुँदै आएको थियो भने अब भने यो प्रणाली लागु भएपछि एजेन्टहरुले गर्ने मनोमानी भने हट्ने विश्वास भन्सार कार्यालयले जनाएको छ ।

उक्त प्रणाली लागु भएपछि एजेन्टहरुले बनाउने नक्कली बील नियन्त्रणमा आउने विश्वास लिइएको छ । पहिलो चोटी लागु भएको यो प्रणाली वीरगंज भन्सार कार्यालयको मागअनुसार बिहीबारदेखि मुलुकभर लागु हुने जनाइएको छ । रासस

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved