मिथिला लघुवित्त Mithila Laghubitta Bittiya Sanstha Limited ले लिलाममा राखेको सर्वसाधारणतर्फको शेयरमा ४ सय ६५ रुपैयाँ भन्दा माथिको लागि आवेदन दिनेले शेयर पाएका छन् । शेयर लिलाम गर्ने कार्यको लागि बिक्रि प्रबन्धक रहेको बिओके क्यापिटलले सर्वसाधारणतर्फको कट अफ मूल्य ४ सय ६५ र संस्थापक तर्फको कट अफ मूल्य १०८.९९ कायम भएको जानकारी दिएको हो ।
क्यापिटलका अनुसार सर्वसाधारणतर्फ १८८ र संस्थापकतर्फ १५ जनाको आवेदन परेको थियो ।
कम्पनीले हकप्रदमा नबिकेको २१ हजार ६४२ दशमलव ६९ कित्ता शेयर बैशाख २० गते देखि लिलामीमा राखेको थियो । जस मध्ये संस्थापक समुहको १३ हजार ९७७ दशमलव ७९ र सर्वसाधारण समुहको ७ हजार ६६४ दशमलव ९१ कित्ता शेयर रहेको थियो । कम्पनीले जारी गरेको ५० प्रतिशत हकप्रदमा सो परिमाणमा हकप्रद बिक्री नभएपश्चात लिलाम बढाबढमा आएको हो ।
हकप्रदपछि कम्पनीको चुक्ता पूँजी १० करोड ५९ लाख रुपैयाँ पुगेको छ ।