हिरो मोटरकर्पले फेमिलि स्कुटर नेपालमा सार्वजनिक गरेको छ । हिरोले आइ ३ एस प्रविधिसहितको डेस्टिनि १२५ नेपाली बजारमा भित्र्याएको हो । यसअघि हिरो मोटरकर्पले १०० सिसि प्लेजर, ११० सिसि माइष्ट्रो एज् र ११० सिसि ड्युट स्कुटरको बिक्रि गर्दै आएको थियो ।
भर्खरै सार्वजनिक भएको फेमिलि स्कुटरमा रिमोर्टबाटै साँचो खोल्न सकिने, बाहिरबाटै तेल हाल्न सकिने र मोबाइल चार्ज गर्न मिल्ने विशेषता रहेको कम्पनीले जनाएको छ । कम्पनीले स्कुटरको मुल्य भ्याट सहित दुई लाख ६ हजार रुपैयाँ रहेको जनाएको छ ।
यो स्कुटर खरिदका लागी कम्पनीले फाइनान्सको सुविधा पनि गरेको छ । काठमाण्डौँ उपत्यकाका ग्राहकले ० प्रतिशत डाउनपेमेन्टमा स्कुटर खरिद गर्न पाउनेछन भने उपत्यका बाहिरका ग्राहकहरुले ५० प्रतिशत डाउनपेमेन्टमा स्कुटर पाउनेछन् ।