नेपालका लागि बजाज मोटरसाइकलको आधिकारीक बिक्रेता एचएच बजाजले एनएस २०० को अपग्रेड भर्सन नेपाली बजारमा ल्याउने भएको छ । एचएच बजाजले भदौमा हुने नाडा अटो शो मा एनएस २०० को एबीएस भर्सन ल्याउन लागेको हो ।
लामो समयदेखि बिक्रि वितरण भइरहेको एनएस २००मा एबीएस सुबिधा छैन । केहि समयअघि भारतीय बजारमा सार्वजनिक भएको एनएस २०० को अपग्रेड भर्सनमा सिंगल च्यानल एबीएस रहेको छ ।
एनएस २०० को अपग्रेड भर्सनमा रहेको ४ भल्भ लिक्वीड कूल्ड १९९ सीसीको सिगंल सिलिन्डर इन्जिनले २३.१७ बीएच पावर तथा १८.३ एनएम टर्क जेनेरेट गर्छ । यलको अलवा बाइकमा फ्रन्ट एन्टी फ्रिक्सन टेलिस्कोप फर्क र रियर निट्रोक्स मोनोशक, डे टाइम रनिङ हेडलाइट, एलइडी टेलल्याम्प, ६ स्पीड गियर बक्स, मल्टी डिस्क हाइड्रोलिक क्लच, एबीएस ब्रेकिङ सिस्टम, ट्युबलेस अलोय व्हिल टायर, सेमि डिजिटल कन्सोल लगाएतको बिशेषता रहेको छ।
बजारमा बिक्री भइरहेको एनएस २००को मूल्य रु ३ लाख १९ हजार ९ सय रहेको छ भने अब आउने अपग्रेड भर्सनको मुल्य रु ३ लाख ५० हजार बराबर पर्ने अनुमान गरिएको कम्पनिले जनाएको छ ।