हार्ले डेभिडसनको नेपालका लागि आधिकारिक बिक्रेता आइएमई अटोमोटिभ्सले अमेरिकी मोटरसाइकल हार्ले डेभिडसनको क्रुजर फ्याटबोय नेपाल भित्र्याएको छ ।
फ्याटबोय ११४मा रहेको डबल सिलिन्डर एयरकुल्ड फ्युल इन्जेक्टेड १८ सय ६८ सीसीको इन्जिनले ६५ बीएचपी पावर तथा १६१ एनएम टर्क जेनेरेट गर्छ । यसका साथै बाइकमा १९ लिटरको फ्युल ट्यांकी, एलइडी हेड र टेल लाइट, १६६२ एमएम ह्वीलवेस र ग्राउण्ड क्लियरेन्स १ सय १५ एमएम रहेको छ ।
३ सय ४ किलोग्राम तौल रहेको बाइकको मुल्य ८५ लाख रुपैयाँ पर्ने कम्पनीले जनाएको छ ।
आइएमई ग्रुप अन्तर्गतको आइएमई अटोमोटिभ्सले एक वर्ष अगाडिबाट हार्लेका मोटरसाइकल नेपाल भित्र्याएको थियो ।
