इसुजु गाडीको अधिकृत बिक्रेता कन्टिनेन्टल ट्रेडिङ इन्टरप्राइजेजले भी–क्रसको परिष्कृत संस्करण सार्वजनिक गरेको छ । ७० लाख ९० हजार रुपैयाँ मूल्य तोकिएको तथा २० वटा नयाँ फिचर थपिएको उक्त गाडीको बुकिङ खुलेको कम्पनीले जनाएको छ ।
यसमा रहेको ४–सिलिन्डर, कमन रेल, भिजिएस टर्बो इन्टरकुल्ड, २.५ लिटर डिजेल इन्जिनबाट चल्ने इसुजु भी–क्रसको नयाँ गाडीको इन्जिनले १३४ एचपी र ३२० एनएम टर्क प्रदान गर्ने कम्पनीको दाबी छ । २०१९ इसुजु भी–क्रसको नयाँ भर्सन अगाडिपट्टि नयाँ ग्रिल र नयाँ स्वरुपमा आएको थियो ।
कम्पनीका अनुसार नयाँ इसुजु भी–क्रस प्यासिभ इन्ट्री एन्ड स्टार्ट स्टप (पिइएसएस) प्रणालीमा आएको बताईएको छ ।
भारतको आन्ध्र प्रदेशमा रहेको इसुजु मोटर्स इन्डिया म्यानुफेक्चरिङ प्लान्टमा उत्पादित भी–क्रस सफायर ब्लु र सिल्की पर्ल ह्वाइट गरी थप दुई रङमा समेत उपलब्ध हुने भएको छ ।
कन्टिनेन्टल ट्रेडिङ इन्टरप्राइजेज दुई दशकदेखि नेपालमा गाडी र हेभी सवारीको कारोबारमा संलग्न छ । यसले कोमास्तु ब्रान्डको निर्माण र माइनिङ उपकरण, कियाको प्यासेन्जर भेइकल, ओटिस ब्रान्डको इलेभेटर, फुरुकावा ब्रान्डको ड्रिलिङ उपकरण, इसुजु ब्रान्डका गाडी बिक्रि गर्दै आएको छ ।