मंगलबारबाट जोरबिजोरको आधारमा ब्लु बुक नवीकरण

बिजपाटी संवाददाता

बिजपाटी संवाददाता

Nov 01, 2020 | 02:34:26 PM मा प्रकाशित

laxmi  sunrise bank

यातायात व्यवस्था कार्यालय, मोटरसाइकल सतुंगलले मंगलबारबाट पुनः सेवा सुचारु गर्ने भएको छ । दशैंअगाडी नै कर्मचारीमा कोरोना संक्रमण देखिएपछि  बन्द भएको कार्यालयले मंगलबारबाट सेवा प्रवाह गर्ने भएको हो ।  

कार्यालयले आज एक सूचना प्रकाशन गर्दै आईतबारबाट कार्यालय खुलेतापनि मंगलबारबाट अर्काे सूचना जारी नहुँदासम्म सिमित मात्रामा जोर बिजोर प्रणाली मार्फत सेवा सुचारु हुने जनाएको छ । 

कार्यालयले मंगलबारदेखि सवारी दर्ता प्रमाणपत्र नवीकरण र सवारी साधनको नामसारीको सेवा दिने जनाएको छ । कार्यालयले जोर गते जोर नम्बरका मोटरसाइकल र बिजोर गते बिजोर नम्बर प्लटेका मोटरसाइकलको ब्लुबुक नवीकरण गर्ने जनाएको छ । 

यसैगरी प्रत्येक फाँटबाट १० वटा नामसारी हुने गरी प्रत्येक दिन कुल ६० वटा टोकन वितरण हुने र टोकन लिएका सवारीसधनीहरुको मात्र उक्त दिन नामसारी हुने सूचनामा उल्लेख छ । यसबाहेक ब्लुबुकको प्रतिलिपी, सरुवा सहमति, नामसारी रोक्का, लगत कट्टा, दर्ता खारेज, सवारी साधन विवरण लगायतका अन्य सेवाहरु नियमित रुपमा सञ्चालन हुने जनाईएको छ । 


Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved