निजी क्षेत्रको विमान सेवा प्रदायक बुध्द एयरले नयाँ जहाज किनेको छ । बुद्धले एटिआर ७२–५०० जहाज भित्र्याएसँगै कम्पनीसँग जहाजको संख्या १२ पुगेको छ ।
फ्रान्सको टुलुजस्थित एटिआर कम्पनीद्वारा निर्मित नाइन एन एएमवाई कलसाइन जहाज बुद्ध एयरले सोमबार बेलुका ८ः३० बजे नेपाल लयाईपुर्याएको हो । जहाज लिन बुध्द एयरबाट गत साता प्राविधिक टोलि फ्रान्स गएको थियो ।
थपिएको जहाजसहित कम्पनीसँग ७ वटा एटिआर ७२–५००, तीनवटा एटिआर ४२–३२० र दुईवटा बीचक्राफ्ट १९०० डी रहेका छन् । हिजो आएको नयाँ जहाजले रंगरोगन तथा प्राविधिक कार्यपश्चात अर्को महिनाबाट उडान भर्नेछ ।
बुध्द एयर आगामी आगामी जेठ १३ बाट एटिआर ७२–५०० मार्फत भारतको कोलकोतामा पनि उडान भर्नेछ ।