नेपाल वायुसेवा निगमले जापानको नारितामा चार्टर्ड उडान अनुमति प्राप्त गरेको छ । जापानको ओशाकामा मात्र अनुमति पाएको नेपाल एयरलाइन्सले नारितामा पनि अनुमति पाएको हो । निगमले आगामी भदौ दोस्रो साताबाट ओशाकामा भने सेड्यल फ्लाईट नै सुरु गर्दैछ ।
यसअघि ओशाकामा मात्रै उडान अनुमति पाएको विषयमा उक्त शहर नेपाली कम बस्ने भन्दै निगमको आलोचना भएको थियो । नेपालीहरुको बाहुल्यता रहेको शहरमा उडान अनुमतिको प्रयास गरिरहेको निगमले नारितामा पनि अनुमति पाएको हो ।
निगमका प्रवक्ता गणेशबहादुर चन्दका अनुसार आगामी अक्टोबरबाट चार्टर्ड उडान गर्ने गरी अनुमति प्राप्त हो ।