संस्कृति, पर्यटन तथा नागरिक उड्डयनमन्त्री योगेश भट्टराईले विदेशी र नेपालीको हवाई भाडादर समान बनाईने बताएका छन् । पोखरामा जारी लिट्रेचर फेस्टिवलमा भाग लिन पुगेका मन्त्री भट्टराईले आन्तरिक उडानमा विभेद हुन नहुने बताएका हुन् । ‘मन्त्री भट्टराईले भने, ‘संसारका कुनै पनि देशमा स्वदेशी र विदेशी नागरिकका लागि फरक–फरक भाडादर हुँदैन र नेपालमा पनि हुने छैन ।’
आन्तरिक उडानमा नेपालीको तुलनामा विदेशी नागरिकले दोब्बर मूल्य तिरेर हवाई यात्रा गरिरहेका छन् । वायुसेवा संचालकले भने डलर फेयर हटाउन नहुने भन्दै यदि हटाईए मुनाफा घट्ने र हवाई उद्योग धाराशायी हुने सुझाव दिएका छन् ।