काठमाडौँस्थित त्रिभुवन अन्तराष्ट्रिय विमानस्थल एयर कार्गो कार्यालयले शुल्क बढाएको छ । एयर कार्गोमा यसअघि लिँदै आएको हरेक शीर्षकको शुल्कमा १० प्रतिशत वृद्धि गरिएको नागरिक उड्डयन प्राधिकरण कार्गो व्यवस्थापन शाखाले जनाएको छ ।
फाल्गुण २८ गते सार्वजनिक सूचना गरी चैत्र ४ गतेबाट शुल्क बढाउने भनेको कार्यालयले सरोकारवालाको सहमतिमा नै शुल्क बढाएको जनाएको छ । कार्गो शुल्क हरेक २/२ वर्षमा बढाउने प्रावधान छ ।
‘कार्गो ढुवानी, कार्गो प्रवन्ध, गोदाम चार्जलगायत जे जे शीर्षकमा शुल्क लिने गरिएको थियो, त्यो सबै बढाईएको छ’ प्राधिकरण कार्गो व्यवस्थापन शाखाका प्रमुख रामचन्द्र सुवेदीले भने ।