आइतबार विभिन्न देशबाट ८८४ जना नेपालीको उद्दार गरिएको छ । आज ३ वटा विमान कम्पनीका ६ उडानमार्फत ८८४ जना नेपालीको उद्दार गरिएको हो । आज अन्तराष्ट्रिय उडानमार्फत आएका ६ जहाजमध्ये हिमालय एयरका मात्रै ३ उडान भएका छन् ।
आज नेपाल एयरलाइन्सले बहराइनबाट १४४ जना नेपालीको उद्दार गरेर काठमाडौँ ल्याएको छ । हिमालय एयरलाइन्सले दमामबाट १५४ जना, मनिलाबाट १०८ जना र क्वालालम्पूरबाट १५६ जनालाई काठमाडौँ ल्याएको छ । दुबईबाट फ्लाई दुबईको जहाजमार्फत १६० जनालाई काठमाडौँ ल्याईएको छ । जापानको नारीताबाट १६२ जनालाई नेपाल एयरलाइन्सको जहाजमार्फत उद्दार गरिएको छ ।
यसैबीच आजै नेपाल एयरलाइन्सको जहाज १०३ जना यात्रु बोकेर काठमाडौँबाट दुबई उडेको छ ।
