नेपाल वायुसेवा निगमले उडान गर्नुभन्दा चार घन्टा अगाडी विमानस्थलमा आइपुग्न यात्रुहरुलाई आग्रह गरेको छ । निगमले कोभिड–१९ का कारण उडान समयभन्दा तीन घन्टाअघि विमानस्थल पुग्नुपर्ने भएतापनि चारघन्टा अगाडी नै विमानस्थल आइपुग्न आग्रह गरेको हो ।
निगमले एक सूचना प्रकाशन गर्दै हङकङ, नारिता जस्ता गन्तव्यमा उडानका लागि टिकट लिएका यात्रुलाई चार घण्टा अघि विमानस्थल पुग्न आग्रह गरेको हो । पछिल्लो समय निगनको दुबई तथा हङकङ उडानका क्रममा पीसीआर परीक्षण रिपोर्टमाथि नै प्रश्न गर्दै दुबै देशले उडानमा प्रतिबन्ध लगाएका थिए ।
