एनआईसी एसिया बैंकले क्युआर कोड पेमेन्ट सेवा संचालनमा ल्याएको छ । यो सेवा बैंकको मोबाइल बैंकिङ्ग (MoBank App) प्रयोग गरि उपभोग गर्न सकिने बैंकले जनाएको छ ।
सेवा प्रयोग गर्न मर्चेन्टले एपबाट रिक्वेस्ट पेमेन्ट बिकल्प प्रयोग गरी क्युआर कोड जेनेरेट गर्ने र ग्राहकले आफ्नो एप प्रयोग गरी सोहि क्युआर कोडमा MOPay बिकल्प प्रयोग गरी स्क्यान गरेर भुक्तानी गर्न सकिने बैंकले जानकारी दिएको छ ।
त्यस्तै मर्चेन्टले भुक्तानी काउन्टरमा राखेको क्युआर कोड भएको स्टिकर स्क्यान गरेर ग्राहकले MOpay बिकल्प प्रयोग गरी स्क्यान गरेर भुक्तान गर्न सक्ने छन् ।
यस संगै एन आई सी एशिया बैंक यो सेवा नेपालमा सुरु गर्ने पहिलो बैंक भएको छ । यो सेवा प्रयोग गर्नको लागि ग्राहकसँग स्मार्ट फोन उपलब्ध हुनुपर्ने छ । बैंकको मोबाइल बैंकिङ्ग MOapp सेवा गुगल प्ले स्टोर वा एप स्टोर अथवा बैंकको वेबसाइटबाट सजिलै डाउनलोड गर्न सकिने बैंकले जनाएको छ ।
