अर्थमन्त्री डा.युवराज खतिवडाले लघुवित्तलाई गर्नुपर्ने सहयोगको लागि सरकार तयार रहेको बताएका छन् । स्वाबलम्बन विकास केन्द्रको २७ औं वार्षिक उत्सवमा डा खतिवडाले लघुवित्त संस्थाहरुलाई ग्रामीण क्षेत्रमा जान आग्रह गर्दै त्यसको लागि आवश्यक सहयोग सरकारले गर्ने प्रतिबद्धता जनाएका हुन्। उनले नीतिगत सहयोग र नियमनकारी निकायबाट गर्नुपर्ने सहयोग गर्न सरकार तयार बताएका हुन्।
मन्त्री खतिवडाले कुन क्षेत्र र समुदायलाई बढी सेवा गर्नुपर्ने छ त्यस क्षेत्रमा जान आग्रह गरेका हुन् । उनले स्थानीय तहसँग सहकार्य गरेर चरम गरिबी र वञ्चितिकरणमा रहेको समुदायमा जान आग्रह गरेका हुन् । मन्त्री खतिवडाले लघुवित्तहरुलाई उत्पादनसँग जोडिन र अनौपचारिक सेवामा लाग्नेहरुलाई अनौपचारिक क्षेत्रमा ल्याउन पनि आग्रह गरे । यसरी स्थानीय तहमा जाँदा वित्तीय संस्थाहरु नपुगेको ठाउँलाई प्राथमिकतामा राख्न अर्थमन्त्री आग्रह गरे।
लघुवित्तहरुलाई आफैले सामाजिक जिम्मेवारीभित्र रहेर ब्याजदर तोक्न पनि मन्त्री खतिवडाले आग्रह गरेका छन्।
