चालु आर्थिक बर्षमा बाणिज्य बैंकहरुले निक्षेप संकलनभन्दा दोब्बर बढी कर्जा प्रवाह गरेका छन् । चालू आर्थिक वर्षको साढे दुई महिनामै बैंकहरूले आक्रामक रुपमा कर्जा प्रवाह गरेका हुन् ।
यस आथिक बर्षको असोज दोस्रो सातासम्ममा वाणिज्य बैंकहरूले ९७ अर्ब रुपैयाँ कर्जा प्रवाह गरेका छन् जबकी निक्षेप संकलन ५० अर्ब रुपैयाँ मात्रै छ ।
बैंकहरूको निक्षेप परिचालन र कर्जा प्रवाहको असन्तुलनले राम्रो संकेत नगरेको विश्लेषकहरु बताउछन् । निक्षेप परिचालन र कर्जा प्रवाहमा व्यापक असन्तुलन देखिएपछि अघिल्लो आवमा झैँ यस वर्ष पनि लगानीयोग्य तरलतामा चाप पर्ने जोखिम बढेको छ ।