नेपाल क्लियरिङ्ग हाउस लिमिटेडको लाभांश प्रस्ताव पारित भएको छ । कम्पनीको शुक्रबार बसेको साधारणसभाले २०७४÷७५ को मुनाफाबाट २०% नगद लाभांश र २०% बोनस शेयर समेत वितरण गर्ने निर्णय पारित गरेको हो । हाल कम्पनीको चुक्ता पूँजी रु. १८ करोड रहेकोमा बोनस शेयर वितरण पश्चात् कम्पनीको चुक्ता पूँजी रु. २१.६ करोड हुनेछ ।
नेपाल क्लियरिङ्ग हाउस लिमिटेडमा १०% नेपाल राष्ट्र बैंकको, ८०% बैंक तथा वित्तीय संस्थाहरुको र १०% स्मार्ट च्वाइस टेक्नोलोजिज् प्रा.लि.को शेयर स्वामित्व रहेको छ ।