एनआईसी एशिया NIC Asia Bank Limited र ह्याम्स हस्पिटलबिच सम्झौता भएको छ । बैंक र अस्पतालबीच ह्याम्स हस्पिटलमा सहुलियतका लागि सम्झौता भएको हो ।
सम्झौतापत्रमा बैंकको तर्फबाट बैंकका प्रमुख बजार व्यवस्थापन अधिकृत सन्तोष कुमार राठी र हस्पिटलको तर्फबाट ह्याम्स हस्पिटलका अध्यक्ष आरएस भण्डारीले हस्ताक्षर गरेका छन् ।
उक्त सम्झौता पश्चात बैंकका कर्मचारी, कर्मचारीका परिवार, बैंकका सम्पूर्ण ग्राहकवर्गहरुले ह्याम्स हस्पिटलमा उपचर गराउँदा १० प्रतिशत सम्मको छुट पाउने भएका छन ।
बैंकले हाल नेपालभर २ सय ८२ शाखा कार्यालयहरु, २ सय ८९ एटिएम, ४० वटा एक्सटेन्सन काउण्टर एवं २४ वटा शाखा रहित बैंकिङ ईकाई मार्फत सेवा प्रदान गर्दै आईरहेको छ ।