कामना सेवा विकास बैंकबाट महालक्ष्मी लाईफ इन्स्योरेन्सको बीमा सुविधा प्राप्त हुने भएको छ । बैंक र इन्स्योरेन्सबीच सेवा आदानप्रदान गर्ने समझदारी भएपछि कामना सेवाका ग्राहकहरुले बैंकको ८३ वटै शाखाहरुबाट महालक्ष्मी लाईफको बीमा सुविधा पाउने भएका हुन् ।
सम्झौतामा बैंकको तर्फबाट प्रमुखकार्यकारी अधिकृत प्रविण वस्नेत र इन्स्योरेन्सको तर्फबाट प्रमुखकार्यकारी अधिकृत रमेश कुमार भट्टराईले हस्ताक्षर गरे । कामना सेवा विकास बैंकले हाल ८३ वटा शाखा तथा ३७ वटा एटिएमा मार्फत सेवा दिँदै आएको छ ।