एनआईसी एशिया बैंक NIC Asia Bank Limited का ग्राहकलाई बुटवलको चौराहा हस्पिटलमा छुट हुने भएको छ । बैंक र हस्पिटलबीच भएको सम्झौता अनुसार बैंकका ग्राहक तथा कर्मचारीहरुलाई चौराहा हस्पिटलमा उपचार गराउँदा १० प्रतिशत सम्मको छुट हुने भएको हो ।
सम्झौतापत्रमा बैंकको तर्फबाट प्रदेश नं ५ का प्रादेशिक कार्यालय प्रमुख तिलक सुन्दर कार्की र अस्पतालको तर्फबाट अध्यक्ष सुदन ज्ञवालीले हस्ताक्षर गरे ।
बैंकले हाल २९५ शाखा, ३२१ एटिएम, ५७ वटा एक्स्टेन्सन काउण्टर एवं ४१ वटा शाखारहित बैंकिङ्गमार्फत् सेवा प्रदान गर्दै आएको छ ।
