‘फिन्गो’बाट रुपान्तरण भएको राष्ट्र उत्थान लघुवित्त वित्तीय संस्थाले गत आर्थिक वर्षको अपरिस्कृत वित्तीय विवरण प्रकाशित गगरेको छ । गत आर्थिक वर्षको चौथो त्रैमासिक वित्तीय विवरण अनुसार कम्पनीले १३ लाख ९३ हजार रुपैयाँ खुद मुनाफा आर्जन गरेको छ ।
१७ करोड ५० लाख रुपैयाँ पुँजी सहित सबैभन्दा धेरै चुक्ता पुँजी लिएर स्थापना भएको लघुवित्तले साधारण शेयर (आइपिओ) निष्कासन गरेको छैन । कम्पनीको जगेडा कोषमा १ करोड ७४ लाख रुपैयाँ रहेको छ ।
गत असार मसान्तसम्ममा कम्पनीले ४९ करोड ४९ लाख ५८ हजार बचत संकलन गरेको छ भने ४८ करोड २५ लाख ४६ हजार अन्य बैंक तथा वित्तीय संस्थाबाट सापटी गरेर १ अर्ब २२ लाख कर्जा लगानी गरेको छ ।
कम्पनीले उक्त अवधिमा मुख्य आम्दानीको स्रोतको रुपमा खुद ब्याज आम्दानी ३ करोड ६ लाख ३४ हजार रुपैयाँ आर्जन गरेको छ । कम्पनीको पुँजीकोष अनुपात १८.५० प्रतिशत, खराब कर्जा ०.८५ प्रतिशत र कोषको लागत ११.३१ प्रतिशत रहेको छ ।
