कामना सेवा विकास बैंक Kamana Sewa Bikas Bank Limited र बि.ओ.के. क्यापिटलबीच शेयर रजिष्ट्रार सम्बन्धी सम्झौता भएको छ । सम्झौता अनुसार कामना सेवा विकास बैंकको शेयर सम्बन्धी काम (शेयर सम्बन्धी कारोवारको रेकर्ड राख्ने, दाखिलखारेज गर्ने, नामसारी गर्ने र शेयरधनी लगत अद्यावधिक राख्ने लगायतका सम्पूर्ण कार्यहरु) बि.ओ.के. क्यापिटलबाट हुनेछ ।
सम्झौतापत्रमा बैंकको तर्फबाट प्रमुख कार्यकारी अधिकृत प्रविण वस्नेत र क्यापिटलको तर्फबाट प्रमुख कार्यकारी अधिकृत दिनेश प्रसाद खतिवडाले हस्ताक्षर गरे ।
कामना सेवाले हाल ९९ वटा शाखा तथा ४५ वटा एटिएम मार्फत सेवा दिँदै आएको छ ।
