बैंक अफ काठमान्डू लिमिटेडले सार्वजनिक निष्काशनको क्रममा आस्वा प्रणाली मार्फत आबेदन दिने सुविधा निशुल्क दिने भएको छ। यस अघि बैंकले आस्वा प्रणाली मार्फत आबेदन दिंदा प्रति आबेदन १ सय रुपयाँ लिने गरेको थियो।
बैंकले दिएको जानकारी अनुसार बैंकका सम्पूर्ण शाखा कार्यालय मार्फत आस्वा प्रणालीबाट दिइने आबेदन निशुल्क गरिएको हो। बैंक अफ काठमाडौँका ग्राहकहरुले बैंकको सबै शाखाबाट आस्वा सेवा निशुल्क पाउने छन। बैंक अफ काठमान्डूले देशभर रहेका ७४ शाखा कार्यालय मार्फत आस्वा सेवा दिन नेपाल धितोपत्र बोर्डबाट अनुमति पाएको छ।
बैंक अफ काठमान्डू र लुम्बिनी बैंक एक आपसमा गाभिएर बनेको बैंक अफ काठमान्डू लिमिटेडले चालु आर्थिक बर्षको तेस्रो त्रैमासमा करिब २ गुणाले मुनाफा वृद्धि गरि ८८ करोड ६७ लाख रुपैयाँ खुद मुनाफा आर्जन गरेको छ।