जनता बैंकले सिद्दार्थ डेभलपमेन्ट बैंकलाई प्राप्त गरी आजदेखि एकीकृत कारोबार सुरु गर्ने भएको छ। जनता बैंकले सिद्दार्थको सम्पूर्ण सम्पति र दायित्व बेहोर्ने गरि १ बराबर १ को स्वाप अनुपातमा गाभेर शुक्रबार असार ३० गतेदेखि एकीकृत कारोबार थालेको हो।
जनताले सिद्दार्थलाई प्राप्त गर्नका लागि नेपाल राष्ट्र बैंक र कम्पनी रजिष्ट्रारको कार्यालयबाट क्रमश: असार २० र २५ मा अन्तिम स्वीकृती पाएको हो।सिद्दार्थलाई प्राप्ती पश्चात जनता बैंकको चुक्ता पुंजी ७ अर्ब नाघ्नेछ भने करिब ५० अर्बको निक्षेप र ४५ अर्बको कर्जा प्रवाह हुनेछ। त्यस्तै कुल शाखा संख्या ११३ पुग्नेछ।
३ वटा संस्थाको (जनता बैंक, त्रिबेणी विकास बैंक र सिद्दार्थ डेभलपमेन्ट बैंक) नाफा र पुँजीगत जगेडा कोष समेत गर्दा जनता बैंकले १ अर्ब रुपैयाँको बोनस सेयर दिएर चुक्ता पुंजी ८ अर्ब पुर्याउदै छ। चालु आर्थिक बर्षबाट १ अर्ब रुपैयाँको भन्दा बढीको बोनस सेयर दिएर जनता बैंकले राष्ट्र बैंकले तोकेको चुक्ता पुंजी ८ अर्ब पुर्याउने छ।
