जनउत्थान सामुदायिक लघुवित्त विकास बैंकले मृतकको ऋण मिनाहा गरेर उदाहरणीय कार्य गरेको छ । लघुवित्तको ककौरा शाखाले आइतबार मृतकको ऋण मिनाहा गर्नुको साथै राहत स्वरुप क्रिया खर्च समेत प्रदान गरेको हो ।
संस्थाको शाखा कार्यालय ककौरा अन्तर्गत हिम शिखर बैंकिङ समुदाय बाँसगढी–०९, बर्दिया केन्द्र नं. ००९० मा आवद्ध समुह सदस्य आशारानी कुमालको यहि असोज २१ गते मृत्यु भएको र उनको परिवारले लिएको सबै ऋण मिनाहा गरिएको बैंकले जनाएको छ ।
बैंकका अध्यक्ष यम बहादुर बि.क., संचालक मान बहादुर विश्वकर्मा, गोकर्ण बहादुर कार्की, नरेन्द्र कंडेल र प्रमुख कार्यकारी अधिकृत श्रीराम पोख्रेलले संयुक्तm रुपमा स्वर्गीय आशारानी कुमालको परिवारलाई उनले बैंक बाट लिएको साधारण कर्जा रु ५८,३३२ र मौसमी कर्जा रु १५,००० गरी जम्मा रु ७३,३३२ मिनाहा गरिएको पत्रका साथै क्रिया खर्च बापत उनका पति प्रेम कुमाललाई नगद रु ३,००० प्रदान गरेका हुन् ।
कार्यक्रममा बोल्दै अध्यक्ष यम बहादुर बि.क. ले शोक सन्तप्त परिवार प्रति सम्वेदना प्रकट गर्दै जनउत्थान बैंक भनेको सुखमा मात्र नभई दुखमा पनि समुह सदस्यहरुलाई साथ दिने बैंक रहेको बताए । त्यस्तै गरी कार्यकारी प्रमुख श्रीराम पोख्रेलले यो बैंकको सामाजिक उत्तरदायित्व अन्तर्गत पर्ने क्रियाकलाप भएको र बैंक सदैव सुख दुखको सारथीको रुपमा रहनुका साथै बैंकको ग्राहक संरक्षण कोष निति २०७२ कोे व्यवस्था बमोजिम ऋण मिनाहा तथा क्रिया खर्च उपलब्ध गराएको बताए ।
बैकको पूर्वको पर्सा देखि पश्चिमको कञ्चनपुर सम्मका १० वटा तराईका जिल्ला र ५ वटा पहाडी जिल्ला गरी जम्मा १५ वटा जिल्लामा २५ वटा शाखा कार्यालय मार्फत आफ्नो सेवा विस्तार गरि करिब १८,००० जना समुह सदस्यहरु वित्तिय सेवा दिएको छ ।
