एभरेष्ट बैंकले विभिन्न कार्यक्रम गरी आफ्नो २३ औ वार्षिकोत्सव मनाएको छ । संस्थागत सामाजिक उत्तरदायित्व अन्तरगत एभरेष्ट बैंकले मुख्य कार्यालयमा मात्र नभई आफ्ना सबै साखाहरुमा विभिन्न कार्यक्रम गरी २३ औँ बर्सिक उत्सव मनाएको हो ।
जस अन्तर्गत बैंकले राजधानीमा रक्तदान कार्यक्रमको आयोजना गर्यो । कार्यक्रममा बैंकका कर्मचारी तथा उपभोक्ता गरी सय जनाले रक्तदान गरेका थिए । बैंकले वार्षिकोत्सवमा नर्भिक इन्टरनेसनल हस्पिटलको सहकार्यमा निस्शुल्क स्वास्थ्य शिविर समेत आयोजना गरिएको थियो ।
एभरेष्ट बैंकले हाल आफ्ना ६४ वटा शाखाहरु, २ एक्सटेन्सन काउन्टर, २८ राजश्व संकलन काउन्टर र ९१ एटिएम तथा बृहत बाह्य सन्जाल मार्फत उत्कृष्ट सेवाहरु प्रदान गर्दै आइरहेको छ । बैंकले एसियन पेन्टस् न्युबिज “बेस्ट म्यानेज्ड कमर्सियल बैंक अवार्ड २०१३” का साथै आ.ब. २०६८÷०६९मा “वाणिज्य बैंक मध्येमा सर्वाधिक करदाता” को सम्मान प्राप्त गरेको थियो ।
