महालक्ष्मी विकास बैँक लि. ले आज बिहिबार एकै दिन ४ नयाँ शाखा संचालन मा ल्याएको छ । बैंकले बाजुराको मार्तडी, बझाङ्गको चैनपुर, बैतडीको पाटन र दाङ्गको घोराही गरी चार शाखाहरुबाट एकै साथ मिति २०७४÷०८÷१४ गते बिहिबारदेखि बंैकिङ्ग कारोबार सञ्चालन गरेको हो ।
सुदुरपश्चिमको बाजुरा, बझाङ्ग र बैतडीमा शाखाहरु सञ्चालन गरेर महालक्ष्मी विकास बैँक लि. उक्त स्थानहरुमा शाखा खोल्ने प्रथम राष्ट्रियस्तरको विकास बैँक बन्न सफल भएको छ । नयाँ शाखाहरुसहित बैँकको शाखा संख्या ७० पुगेको छ भने एटिएम संख्या ३५ रहेको छ । बैंकले छिटै दार्चुलाको गोकुलेश्वरमा पनि शाखा सञ्चालन गर्ने तयारी गरिरहेको छ ।
विकास बैँकहरुमा सबैभन्दा बढी चुक्ता पुँजी भएको महालक्ष्मी विकास बैँक लि. ले कात्र्तिक मसान्तसम्म २५ अर्ब ४३ करोड रुपँैया निक्षेप संकलन गरी २० अर्ब १२ करोड रुपँैया कर्जा प्रवाह गरेको छ ।