सिटिजन्स बैंक इन्टरनेसनल लिमिटेडले चिसोका कारण जनजिवन प्रभावित हुदेै गएपछी महोत्तरी जिल्लाको गौशाला र औरही नगरपालिकामा वसोवास गर्ने मुसहर जातीका विप्पन निसहाय व्यक्तिहरुलाई कम्बल वितरण गरेको छ ।
दैनिक ज्याला दारी गरेर जिवीकोपार्जन गर्दै आएका, न्यानो कपडाको अभावले जाडोमा ,दुःखभोग्दै बसेकाहरुलाई सामाजिक उतरदायित्व कार्यक्रम अन्तर्गत बैंकले गौशाला र औरहीमा कम्बल वितरण गरेको हो । गौशाला नगरपालिकामा २२४ थान र औरही नगरपालिकामा २०२ थान गरी जम्मा ४२६ थान कम्बल वितरण गरिएको बैंकले जानकरी दिएको छ ।
गौशाला र औरही नगरपालिकामा बसोबास गर्ने (मुसहर ,असक्त , असहाय , बिधवा ,साधु ,सन्त )हरुलाई कम्बल वितरण गरिएको हो ।
बैंकको संचालक समितिको सदस्य डा चन्दाकार्कीले कम्बल हस्तान्तरण गरेका हुन् ।