कर्पोरेट डेभलपमेन्ट बैंक समस्याग्रस्तबाट मुक्त भएको छ। बीरगन्जको पर्सामा मुख्य कार्यालय रहेको कर्पोरेट डेभलपमेन्ट बैंक सुधारोन्मुख देखिएकाले समस्याग्रस्तबाट मुक्त गरिएको नेपाल राष्ट्र बैंकले जनाएको छ।
बैंकले नीतिगत व्यवस्था बमोजिम चुक्तापुँजी र पुँजीकोष कायम गरेको र संस्थामा नयाँ लगानीकर्ताहरु प्रवेश गरी संस्थालाई सुचारु रुपमा संचालन गर्ने प्रतिबद्धता जाहेर गरेकाले समस्याग्रस्तबाट मुक्त गरिएको राष्ट्र बैंकको भनाई छ। राष्ट्र बैंकले २०७१ पुष ४ मा समस्याग्रस्त घोषणा गरेको थियो।
बैंकले अब अब २०७६ माघ १७ गतेभित्र चुक्ता पुँजी पुर्याउने योजना पेस गर्नुपर्नेछ। संस्थागत सुशासन, आन्तरिक नियन्त्रण प्रणाली र जोखिम व्यवस्थापन चुस्त पार्नुपर्ने लगायतका शर्तहरु तोकिएको छ।
यसअघि कुबेर मर्चेन्ट, ललितपुर, अरुण, जनरल फाइनान्स समस्याग्रस्तबाट मुक्त भइसकेका छन्।