जनता बैंक नेपाल लिमिटेडले कारोवार विस्तारको क्रममा २ शाखा र ५ शाखा रहित बैकिङ्गबाट कारोवार सुरु गरेको छ ।
बैंकले बाराको सिमरौनगढ र पोखराको बुढीबजार नयाँ शाखा विस्तार गरेको हो । साथै बैंकले कैलाली जिल्लाको गौरीगंगा न.पा. ६, बनवेहडा, जानकी न.पा. १, दुर्गौली र गोदावरी न.पा. ८, स्याउले बजार तथा दाङ जिल्लाको राप्तीगा.पा. ४, मौरीघाट र लमही न.पा. ३, फलकापुर गरी पाँच स्थानबाट शाखा रहित बैंकिङ्ग सेवा समेत सुरु गरेको छ ।
यस सगै बैंकले देश भरीबाट ९८ शाखा संजाल, ३१ शाखा रहित बैंकिङ्ग, ३ सीमित बैंकिङ्ग ईकाइ, ३ एक्सटेन्सन काउन्टर र ६९ एटिएमबाट सेवा प्रदान गरिरहेको छ ।
