ग्लोबल आइएमई बैंकले इपिएस कोरियन भाषा परीक्षाको परीक्षा शुल्क संकलन गरिरहेको छ । बैंकले चैत ८ अर्थात बिहिबारदेखि १७ गते शनिबारसम्म सञ्चालन हुने नवौँ (९औँ) इपिएस कोरियन भाषा परीक्षाको परीक्षा शुल्क आफ्ना १ सय १८ शाखाहरुबाट संकलन गर्ने व्यवस्था मिलाएको जनाएको छ ।
देशभरका १ सय १८ वटा शाखा मार्फत परीक्षा शुल्क संकलन गरिएकाले सेवाग्राहीलाई सहज भएको बैंकले जनाएको छ । कोरियन भाषा परीक्षाको परीक्षा शुल्क संकलन गर्ने एकमात्र बैंक ग्लोबल आइएमई बैंक हो ।