मुक्तिनाथ विकास बैंक लि.ले विराटनगर महानगरपालिकास्थित जलजला चोकमा नयाँ शाखा विस्तार गरेको छ । बुधबार नेपाल उद्योग बाणिज्य महासंघ प्रदेश नं. १ का अध्यक्ष नरेन्द्र कुमार खड्काले उक्त शाखाको उद्घाटन गरे । वैंकको योे ७८ औं शाखा हो ।
कार्यक्रममा बैंकका ब्राण्ड एम्बास्डर सिताराम कट्टेल (धुर्मुश) र कुञ्जना घिमिरे (सुन्तली) ले मुक्तिनाथ विकास बैंक बैंकिङ्ग कारोबारसंग मात्र आवद्ध नभई सामाजिक उत्तरदायित्वमा पनि संगसंगै अगाडि बढेको भन्दै नगरवासीलाई बैंकमा आवद्ध हुन आव्हान गरे । कार्यक्रममा विराट व्यापार संघका अध्यक्ष शिव रिजाल तथा लायन्स डिष्ट्रीक्ट ३२५ए१ का गभर्नर लिला ढुंगेल लगायतको उपस्थिति थियो । बैंकका नायव प्रमुख कार्यकारी अधिकृत तारा मानन्धरले बैंकको वर्तमान अवस्था र सेवा विस्तारमा बैंकले लिने भावी रणनीतिको बारेमा जानकारी गराएका थिए ।