मुक्तिनाथ विकास बैंकको संचालक समितिले बैंकका नायव प्रमुख कार्यकारी अधिकृत प्रद्युमन पोखरेललाई प्रमुख कार्यकारी अधिकृतमा नियुक्त गरेको छ । उनले बैंकका संस्थापक सिईओ भरत राज ढकालको कार्यकाल समाप्त भएपश्चात बैंकको दोस्रो प्रमुख कार्यकारी अधिकृतका रुपमा पदभार ग्रहण गरेका हुन् ।
बैंक संचालक समितिका अध्यक्ष खिमप्रकाश मल्लले नवनियुक्त सिईओ पोखरेललाई पद तथा गोपनियताको सपथ ग्रहण गराए । बैंकले नयाँ सिईओको पदस्थापन कार्यक्रममा वीर अस्पतालको सरसफाई गर्न धुर्मुश सुन्तली फाउन्डेशनलाई १ लाख आर्थिक सहयोग गरेको छ ।
