मुक्तिनाथ विकास बैंक लि. ले रुपन्देही जिल्लाको तिलोत्तमा नगरपालिकामा आज आफ्ना दुई शाखा कार्यालय विस्तार गरेको छ । बैंकले तिलोत्तमा नगरपालिका वडा नं. १, ड्राईभरटोल र वडा नं १५ कोटिहवामा क्रमशः ८१ औं र ८२ औं शाखा विस्तार गरेको हो ।
ड्राईभरटोल शाखाको उद्घाटन तिलोत्तमा नगरपालिकाका मेयर वासुदेव घिमिरेले र कोटिहवा शाखाको उद्घाटन सिद्धार्थनगर उद्योग बाणिज्य संघका अध्यक्ष कुलप्रसाद न्यौपानेले गरे । यस विकास बैंकको रुपन्देही जिल्लामा बुटवलको ट्राफिक चोक, भैरहवाको गल्लामन्डी, हरैया र रामापुर कोलोनीमा यस अघि नै शाखाहरु संचालनमा आईसकेका छन् ।